አማርኛ የደቀመዝሙርነት ትምህርቶች

ይህ ትምርት የተጻፈበት ዋና ዓላማ እውነተኛዋ ቤተ ክርስቲያን የእግዚአብሔርን ልጆች ደቀ መዝሙር በማድረጉ ሂደት ደቀመዝሙርነት ምን እንደሆነ እና እንዴት መደረግ እንዳለበት ግልጽ ራዕይ፥ ስልት እና ቅድሚያ መስጠት ያለባት ጉዳይ መሆኑን የሚያሳይ መሳሪያ ነው።  በቤተክርስቲያንህ ውስጥ ደቀመዝሙርነትን ተግባራዊ ለማድረግ ይህ መረጃ ጠቃሚ ሆኖ ታገኘዋለህ ብለን ተስፋ እናደርጋለን።

በድነት ጊዜ የተቀበልነው ትልቁ ስጦታ ከእግዚአብሔር ጋር የቅርብ ግንኙነት ማድረግ የሚያስችል መተማመን ማግኘታችን ነው። ደቀመዝሙርነት ከክርስቶስ ጋር እንዴት አንድ መሆን እንደሚቻል እና እርሱን የሚያከብር ህይወት እንዴት ለመኖር እንደምንችል የምንማርበት የእግዚአብሔር ዕቅድ ነው። ይህ ዕለታዊ የግል የጥሞና ጊዜ መለማመጃ መጽሐፍ ሁሉም አማኞች ሊማሩት ስለሚገባቸው መሰረታዊ የክርስትና እምነት ጠቃሚ መጽሐፍ ቅዱሳዊ እውነቶችን ያሳያል። ኢየሱስ ክርስቶስ የቆምንበት ዓለታችን ነው ነገር ግን የአንድ ሰው መንፈሳዊ መሠረት ደካማ ከሆነ ይህ በሁሉም የሕይወታቸው ዘርፍ ላይ አሉታዊ ተጽእኖ ይኖረዋል። ይህ ንድፍ ደቀ መዛሙርት ለሚሆኑ ወይም ሌሎችን ደቀመዝሙር ለሚያደርጉ ጥሩ መሣሪያ ነው።

ይህ 5 ተከታታይ መጽሃፍ የእግዚአብሔርን የጋብቻ አላማዎች በጥልቀት ይዳስሳል፣የባልና ሚስትን ሚና ግልፅ ያደርጋል፣እግዚአብሔር ለትዳር ያሰበውን በረከቶች ይዳስሳል፣እና ባለትዳሮች እንዴት እርስ በርሳቸው ማገልገል እንዳለባቸው የተወሰኑ ምሳሌዎችን ይሰጣል። ይህ ተከታታይ ትምህርት አዲስ ለተጋቡ ጥንዶችም የሚጠቅም ነው፣ ቀድሞውንም ጠንካራ ትዳርን ለማጠናከር፣ የምክር መስጫ እንዲሁም ሌሎችን ወይም ትናንሽ ቡድኖችን ደቀ መዝሙር ለማድረግ የሚረዳ መሳሪያ ነው። 

ይህ 4 ተከታታይ መጽሐፍ ልጆች ማደግ በሚገባቸው መንገድ በፍቅር፥ በእንክብካቤና በምገባ እንዲያሳድጉ ወላጆች በእግዚአብሔር የተሰጣቸውን የወላጅነት ሚናዎች ምን እንደሆኑ በጥልቀት ይዳስሳሉ። መልካም ምሳሌነት ያልነበራቸው ወላጆች ለማሰልጠን እና ለእግዚአብሔር ፈቃድ እና የወላጅነት ዓላማ ግልጽ የሆኑ መጽሐፍ ቅዱሳዊ መመሪያዎችን እና እውነቶችን በማቅረብ ይረዳል። ይህ ተከታታይ ትምርት ልጆች ጎልማሳ እስኪሆኑ ድረስ የምናስተምራቸውን የትምርት ዕቅድ ቀርባል።